DSE 放榜揀科排JUPAS？

DSE今日放榜，各位又係時候重新排一排JUPAS次序啦。 想當年放榜，灰到無朋友…3科AL三條D。望住身邊嘅朋友個個成績都得得體體都咪話唔難過。

如今諗返轉頭，排JUPAS我會給4年前的我這樣的忠告 ：

1。 讀你最鐘意，最有興趣嘅科。
如果你對philo有興趣，就去讀philo，對eng lit有興趣就去讀eng lit， 喜歡fashion and design，即管去讀啦。唔好被其他人話無出路，唔知讀嚟做咩，無前途之類嘅說話嚇親。佢哋唔係你，亦都唔係佢哋去讀，唔到人哋去主宰你選擇嘅路。4年大學生涯對住一啲你冇興趣嘅科目真心唔係一件開心事。Do what you like, like what you do. 再者，讀自己有興趣嘅科目成績都會好啲，GPA好之後嘅路自然好走。（exchange, scholarships, reference letter... 好多機會都係俾成績好嘅學生）如果讀完學位先入一個完全唔關事嘅行業，感覺就像浪費了大學的青春。真的。（有關的科目起碼會得到相關信息，有志同道合嘅朋友唔會寂寞亦都唔會為讀而讀。）

2。無心水科就退而求其次揀心水院校。
如果你唔知自己想讀咩或者已經知道入唔到自己心水科目，既然得唔到最鍾意就不如揀最有利自己嘅。香港人，香港老闆們其實都好現實。3大，有你著數。就算讀完出嚟唔係做返同行，人地睇到你入到名牌大學都唔會睇低你。係架啦，好現實。加上大學唔止本科知識咁簡單。識到嘅人脈關係，大學文化，學校俾到你既機會…對於你日後生活際遇唔多唔少都會有啲影響。

3。咁真係無科鍾意，點樣揀呀？
揀啲有得領取專業資格的。出嚟就算入咗唔係最鍾意的行業至少得到的薪金可以彌補一下自己空虛的心靈。再唔係揀科potential大嘅，出路多嘅，留多啲選擇比自己。

4。High dip, Asso, IVY 讀得過嗎？
聽聞是好很很很很很很很很狠harsh的。而且亦無保障一定搏到上大學。你要接受一整年望著朋友玩ocamp，reg科，上莊，住hall，去exchange…好多好多令你葡萄嘅事。當親戚朋友問起你讀咩，望著佢哋由期待嘅面口到"哦…嗯…"嘅表情，好似都幾難堪。呢啲"Risk"自己衡量吧。但也不是所有feedback都是差的，也可能是大家人生的一個轉捩點，學習機會，人生體會…

可惜我揀了非自己最喜歡亦非社會上最受認同的院校…兩頭唔到岸。
但係我的經歷令我成為今天的我。有啲嘢又唔到我而家嚟後悔嘅，世上無絕對的選擇。
okay,講完。以上全為己見，只供參考。